УА «Брэсцкі дзяржаўны медыцынскі каледж» з’яўляецца установай сярэдняй спецыяльнай медыцынскай адукацыі сістэмы Міністэрства аховы здароўя Рэспублікі Беларусь, вышэйстаячая арганізацыя – галоўнае ўпраўленне па ахове здароўя Брэсцкага аблвыканкама. У ажыццяўленні адукацыйнай дзейнасці Брэсцкі медыцынскі каледж кіруецца нарматыўнымі дакументамі Министерства образования Рэспублікі Беларусь і Министерства здравоохранения Рэспублікі Беларусь.
Адукацыйны працэс, ідэалагічная і выхаваўчая праца ва ўстанове адукацыі «Брэсцкі дзяржаўны медыцынскі каледж» ажыццяўляюцца ў адпаведнасці з Кодэксам Рэспублікі Беларусь аб адукацыі, Канцэпцыяй бесперапыннага выхавання дзяцей і вучнёўскай моладзі на 2016-2020 гады, дзяржаўнымі праграмамі, нарматыўнымі-прававымі актамі Рэспублікі Беларусь і метадычнымі рэкамендацыямі для ўстаноў прафесійнай адукацыі з улікам асаблівасцяў атрымання сярэдняй спецыяльнай медыцынскай адукацыі.
Брэсцкі дзяржаўны медыцынскі каледж забяспечвае падрыхтоўку медыцынскіх кадраў сярэдняга звяна на базе агульнай сярэдняй адукацыі па наступных спецыяльнасцях:
- «Сястрынская справа» з прысваеннем кваліфікацыі “Медыцынская сястра”;
- «Лячэбная справа» з прысваеннем кваліфікацыі «Фельчар-акушэр. Памочнік урача па амбулаторна-паліклінічнай дапамозе “.
Установа адукацыі «Брэсцкі дзяржаўны медыцынскі каледж» забяспечвае таксама павышэнне кваліфікацыі кіруючых работнікаў і спецыялістаў з сярэдняй медыцынскай адукацыяй сістэмы аховы здароўя.
Специальность «Сестринское дело»:
-
кваліфікацыя выпускніка
Адукацыйны працэс, арганізаваны ў мэтах засваення вучнямі зместу адукацыйнай праграмы сярэдняй спецыяльнай адукацыі, забяспечвае атрыманне кваліфікацыі “Медыцынская сястра” (АКРБ 006).
Прафесійныя функцыі спецыяліста
Медыцынская сястра павінна быць кампетэнтнай у выкананні наступных прафесійных функцый:
- аказанне неадкладнай медыцынскай дапамогі;
- забеспячэнне інфекцыйнай бяспекі;
- правядзенне санітарна-асветніцкай работы па фарміраванні здаровага ладу жыцця.
Специальность «Лечебное дело»
кваліфікацыя выпускніка
Навучанне па спецыяльнасці забяспечвае атрыманне кваліфікацыі “Фельчар-акушэр. Памочнік ўрача па амбулаторна-паліклінічнай дапамозе “.
Прафесійныя функцыі спецыяліста
Спецыяліст павінен быць гатовы для выканання наступных прафесійных функцый:
- аказанне медыцынскай дапамогі насельніцтву ў арганізацыях аховы здароўя і дома;
- ажыццяўленне дыягностыкі неадкладных станаў і аказанне экстранай і неадкладнай медыцынскай дапамогі;
- уменне арганізаваць догляд за хворым дома, навучанне пацыента і членаў яго сям’і навыкам догляду і самаабслугоўвання;
- правядзенне прафілактыкі інфекцыйных і неінфекцыйных захворванняў;
- правядзенне санітарна-асветніцкай і інфармацыйна-прапагандысцкай работы па фарміраванні здаровага ладу жыцця насельніцтва, аказанне кансультацыйнай дапамогі падлеткам і моладзі па пытаннях палавога выхавання і рэпрадуктыўнага здароўя;
- прыём фізіялагічных родаў і аказанне тыповай акушэрскай дапамогі;
- арганізацыя і правядзенне прафілактычных прышчэпак дзецям і дарослым;
- забеспячэнне сястрынскага догляду ў стацыянарных і хатніх умовах;
- ўдзел у рэабілітацыйнай дапамозе пацыентам з хранічнымі захворваннямі;
- выкананне лячэбных і дыягнастычных маніпуляцый.
Азнаёміцца з падрабязнай інфармацыяй аб спецыяльнасцях можна ў раздзелах «Сестринское дело» и «Лечебное дело»
Аддзяленне павышення кваліфікацыі БГМК
Аддзяленне адкрыта на базе УА «Брэсцкі дзяржаўны медыцынскі каледж» ў 1997 годзе. Штогод на аддзяленні павышэння кваліфікацыі ўдасканальваюць свае веды больш за 800 спецыялістаў з сярэдняй спецыяльнай медыцынскай адукацыяй.
Напрамкі дзейнасці аддзялення павышэння кваліфікацыі на базе сярэдняй спецыяльнай адукацыі па профілі “Ахова здароўя” наступныя: тэрапеўтычнае, хірургічнае, медыка-дыягнастычнае, педыятрычнае, стаматалогічнае.
Азнаёміцца з падрабязнай інфармацыяй пра дзейнасці аддзялення павышэння кваліфікацыі можна здесь.
Брэсцкі дзяржаўны медыцынскі каледж сёння
БГМК сёння – гэта сучасная ўстанова адукацыі, у якой штогод навучаюцца каля 650 навучэнцаў. Адукацыйны працэс накіраваны на развіццё асобы кожнага навучэнца, выхаванне грамадзянскай адказнасці, фарміраванне сацыяльнай сталасці. Аўдыторыі і лабараторыі каледжа абсталяваны неабходнымі тэхнічнымі сродкамі навучання. Ажыццяўляецца пастаянная работа па мадэрнізацыі, што дазваляе ўдасканальваць ўмовы для падрыхтоўкі кваліфікаваных спецыялістаў.
Ва УА «Брэсцкі дзяржаўны медыцынскі каледж» склаўся працаздольны, творчы калектыў педагогаў, больш за палову з якіх маюць вышэйшую і першую кваліфікацыйныя катэгорыі. Педагогі і навучэнцы каледжа прымаюць удзел ва ўсіх грамадска-значных мерапрыемствах, накіраваных на карысць краіны, грамадства, роднага краю: у маладзёжных акцыях у падтрымку дзяржаўнай палітыкі; у гарадскіх акцыях і святах, прысвечаных знамянальным датам, у святкаванні Дня Перамогі ў Вялікай Айчыннай вайне ў Мемарыяльным комплексе “Брэсцкая крэпасць-герой», у мерапрыемствах рэспубліканскай патрыятычнай акцыі “Я – грамадзянін Беларусі”, у добраахвотніцкай дзейнасці. Моладзь каледжа прыцягваецца і ўдзельнічае ў сустрэчах з прадстаўнікамі органаў улады, грамадскіх аб’яднанняў, людзьмі навукі і мастацтва.
Выпускнікі Брэсцкага дзаржаўнага медыцынскага каледжа канкурэнтаздольныя і заўсёды запатрабаваны ў арганізацыях аховы здароўя горада Брэста і Брэсцкай вобласці. Па заканчэнні навучання ўсім выпускнікам пры размеркаванні гарантавана першае месца працы. Многія выпускнікі падтрымліваюць сувязь з установай адукацыі праз доўгія гады пасля заканчэння вучобы, актыўна ўдзельнічаюць у значных для каледжа мерапрыемствах.
Выпускніца 1959 года Мялешка Хелена Томашаўна, дацэнт кафедры грамадзянскага працэсу і працоўнага права юрыдычнага факультэта БДУ, успамінае: «Пасля школы я паступіла ў Брэсцкае медыцынскае вучылішча, вытрымаўшы конкурс 20 чалавек на месца. Скончыла яго з адзнакай і была сярод 5% лепшых выпускнікоў у 1959 годзе. Мяне хацелі адправіць у Мінск на вучобу, але я вырашыла працаваць і настаяла, каб мяне адправілі ў вёску на барацьбу з брушным тыфам. У БДУ на юрыдычны факультэт я паступіла пазней, дзе працую ўжо больш за 40 гадоў. Жыццё – не тыя дні, што прайшлі, а тыя, што запомніліся. Да іх ліку я адношу перыяд навучання ў Брэсцкім медыцынскім вучылішчы, бо тут сфарміраваліся мае жыццёвыя прынцыпы».
Педагагічны калектыў пастаянна працуе над удасканаленнем практычнай і тэарэтычнай падрыхтоўкі спецыялістаў для сістэмы аховы здароўя Рэспублікі Беларусь.
Беручы пад увагу найважную ролю сястрынскага персаналу, фельчараў-акушэраў, памочнікаў урача ў сістэме аховы здароўя, улічваючы традыцыі міласэрнасці, гуманнасці, установа адукацыі «Брэсцкі дзяржаўны медыцынскі каледж» пры падрыхтоўцы спецыялістаў дэкларуе этычныя прынцыпы і правілы, прафесійныя стандарты, якія неабходна падтрымліваць для захавання павагі і прэстыжу прафесіі медыцынскага работніка ў сучасным грамадстве.